Gen 10 | TUCT | STEP | Ene pitiiŋ to Noa tomania natŋa ve paaghu toozi. Noa natŋa, ene: Sem, Ham, ve Yapet. Yaa ivon toman tapiri tiina le isov, ra paaghu toozi tivot tauvene:

Genesis 10

Noa natŋa paaghu toozi

1 Ene pitiiŋ to Noa tomania natŋa ve paaghu toozi.

Noa natŋa, ene: Sem, Ham, ve Yapet. Yaa ivon toman tapiri tiina le isov, ra paaghu toozi tivot tauvene:

2 Yapet natŋa, ene: Gomer, Magog, Madai, Yaban, Tubal, Mesek, ve Tiras. 3 Gomer natŋa, ene: Askenaz, Ripat, ve Togarma. 4 Yaban natŋa, ene: Elisa, Tarsis, Kitim, ve Dodanim. 5 Yes tane ta Yapet timŋa. Yes tivot timin naol, ve tila tileep irau nari ve sisi. Puughu toozi eŋaeŋa tila tileep irau nugh toz toz, ve tisavia tauzi aliŋazi.

6 Ham natŋa, ene: Kus, Isip, Put, ve Kanaan. 7 Ve Kus natŋa, ene: Seba, Avila, Sapta, Rama, ve Sapteka. Rama natŋa, ene: Siba ve Dedan.

8 Kus naatu ite, eeza Nimrot. Nimrot, eeza tiina kat pasaa, i irau kat pa ŋgar to ghamuuŋ malmal. Iliiv eval tiina to taan. 9 Ve i ŋeer to ilooŋ ŋgai sagsag. Tauvene murei, isaav ighe tipait ŋeer eta eeza, mako tiparim pani tauvene: ‘Ŋeer tane, Yoova igham le ŋgar tiina pa ilooŋ ŋgai sagsag imin Nimrot.’ 10 Nimrot iŋgin taan sirivu tiina ee, eeza Sinar. ^{▼▼(10:10) Sinar eeza ite Babilon.}

Taan tawe, nugh tintiina tol tigheen ila, ezazi Babel, Erek, ve Akad. 11 Murei ra, Nimrot ipul taan to Babilon, ve ila pa taan sirivu to Asiria, ve ipaburigin nugh tintiina paaŋ, ezazi Ninive, Reobot-Ir, Kala, ve Resen. Nugh Resen, ene igheen bodbodaaŋ pa nugh tiina Ninive ve nugh Kala.

13 Isip natŋa, ene: Lud, Anam, Leap, Naptu, Patrus, Kaslu, ve Kaptor. Kaslu ta yes Pilistia tivot ila tooni.

15 Kanaan naatu aidaaba Sidon, ve tazŋa, ene: Het, Yebus, Amor, Girgas, Hiv, Aki, Sini, Arvad, Semar, ve Amat.

Murei, ra paaghu to Kanaan timbiriis, ve tila tileep tirau nugh toz toz. Taan toozi ila imuul ta nugh Sidon, ve itaghon nari ila imuul nugh Gerar ve nugh Gaza. Ra imbutu iloŋ ila pa taan to nugh Sodom, Gomora, Adma, ve Seboim, le malmali ila ivool pa nugh Lasa. Ene taan to yes Kanaana. 20 Yes tana, ta tivot ila to Ham. Yes tivot timin naol, ve puughu toozi eŋaeŋa tila tileep irau nugh toz toz, ve tisavia aliŋazi ite ite.

21 Yapet toogha Sem natŋa timasa timin naol, ve timin puughu pa Eber. 22 Sem natŋa, ene: Elam, Asur, Apaksad, Lud, ve Aram. 23 Aram natŋa, ene: Uz, Ul, Geter, ve Mas. 24 Apaksad naatu Sela. Ve Sela naatu, Eber. 25 Eber natŋa ru. Ee eeza Peleg, ve ite eeza Yoktan. Saawe tau Peleg ileep izi taan, tamtamon to taan tivalagh tauzi, ve tila tileep lez lez. Tauta tiwaat eeza Peleg.

26 Yoktan natŋa, ene: Almodad, Selep, Azamavet, Yera, Adoram, Uzal, Dikla, Obal, Abimael, Seba, Opir, Avila, ve Yobab. Yes tisov tane Yoktan natŋa. 30 Taan toozi, nugh Mesa imin ŋgat pani, ve ila imuul loloz to taan Separ tau igheen ila pa aaz puughu. 31 Yes tana ta tivot ila to Sem. Yes tivot timin naol, ve puughu toozi eŋaeŋa tila tileep irau nugh toz toz, ve tisavia aliŋazi ite ite.

32 Yes tane, Noa natŋa paaghu toozi. Yaa ivon toman tapiri tiina le isov, ra timasa timin naol, ve tila tileep irau taan ta naol ne, ve timin puughu pa eval tisov to taan.